كل سنة وانتوا طيبين ورمضان كريم على الجميع ان شاء الله :)
أخيرا جه رمضان بكل الحاجات الحلوة اللى فيه، بالصيام اللى على قد ما هو متعب على قد ما بتفرح لأن الناس بتحب تحافظ عليه،بالأخلاق الجميلة عند الناس اللى الواحد بيتمنى انها تكمل لبعد رمضان، ولا حتى لبعد الفطار، بكل الأكلات الجميلة اللى بتعبر عن الاحتفال واللى برضه قليل لما نشوفها باقى الأيام، بصلاة التراويح وقيام الليل والتسابق فى الطاعات، ولمة الناس وقت الفطار والسحور، بالحجاب اللى مرة واحدة بتلاقيه غطى شعر 90% من بنات مصر، والله ع البنات اللى بتبتدى بحجاب رمضان وتكمل. بجد ياجماعة أحسن حاجة فى رمضان انه يبقى بداية للواحد عشان يتغير للأحسن، على الأقل الشياطين بتبقى مصفدة زى ما قال الرسول(صلى الله عليه وسلم).
جه رمضان السنة دى لكن مع زينة أقل(خلاص الحكومة منعتها)،ومسلسلات أكتر( 80 مسلسل بمختلف الأشكال والألوان-وده انتاج مصر بس- الواحد لو فكر يتابعهم كلهم مش هايعمل حاجة ف حياته غير انه يقعد قدام التليفزيون، وبرضه مش هايكملهم)،وظهور الفوازير مرة أخرى(وياريت ماتظهرش تانى عشان ميريام فارس دى لاتصلح لفكرة الفوازير اطلاقا،أنا مش عارف ازاى بيعيدوها الصبح لكن أكيد دى مش مشكلة بالنسبة لهم)،وأخيرًا عودة قناة القاهرة والناس اللى على قد ما أسعدتنى بعودتها نظرًا للانطلاقة القوية رمضان الماضى، على قد ما صدمتنى لأن القناة السنة دى مش نفس المستوى، اللذيذ بقى انهم ناويين يكملوا بعد رمضان، لما نشوف.
جه رمضان بحادث مأساوى"انتحار صبى فى الصف الأول الإعدادى شنقا بسبب ظروف الحياة السيئة، وبارتفاع متوقع ومبالغ فيه فى الأسعار، أزمة فى عدة محاصيل استراتيجية مثل القمح والأرز، انقطاع مستمر فى المياه والكهرباء(كدة احنا عرفنا نوجه دعاءنا على مين فى صلاة التراويح والفجر)
جه رمضان وانا داخل على ثانوية عامة ورايح لمصير لايعلمه إلا الله، بالنظر لامتحانات السنة اللى فاتت، فأنا أدعو الله انه بس يعديها على خير... ادعولى
أخيرا جه رمضان بكل الحاجات الحلوة اللى فيه، بالصيام اللى على قد ما هو متعب على قد ما بتفرح لأن الناس بتحب تحافظ عليه،بالأخلاق الجميلة عند الناس اللى الواحد بيتمنى انها تكمل لبعد رمضان، ولا حتى لبعد الفطار، بكل الأكلات الجميلة اللى بتعبر عن الاحتفال واللى برضه قليل لما نشوفها باقى الأيام، بصلاة التراويح وقيام الليل والتسابق فى الطاعات، ولمة الناس وقت الفطار والسحور، بالحجاب اللى مرة واحدة بتلاقيه غطى شعر 90% من بنات مصر، والله ع البنات اللى بتبتدى بحجاب رمضان وتكمل. بجد ياجماعة أحسن حاجة فى رمضان انه يبقى بداية للواحد عشان يتغير للأحسن، على الأقل الشياطين بتبقى مصفدة زى ما قال الرسول(صلى الله عليه وسلم).
جه رمضان السنة دى لكن مع زينة أقل(خلاص الحكومة منعتها)،ومسلسلات أكتر( 80 مسلسل بمختلف الأشكال والألوان-وده انتاج مصر بس- الواحد لو فكر يتابعهم كلهم مش هايعمل حاجة ف حياته غير انه يقعد قدام التليفزيون، وبرضه مش هايكملهم)،وظهور الفوازير مرة أخرى(وياريت ماتظهرش تانى عشان ميريام فارس دى لاتصلح لفكرة الفوازير اطلاقا،أنا مش عارف ازاى بيعيدوها الصبح لكن أكيد دى مش مشكلة بالنسبة لهم)،وأخيرًا عودة قناة القاهرة والناس اللى على قد ما أسعدتنى بعودتها نظرًا للانطلاقة القوية رمضان الماضى، على قد ما صدمتنى لأن القناة السنة دى مش نفس المستوى، اللذيذ بقى انهم ناويين يكملوا بعد رمضان، لما نشوف.
جه رمضان بحادث مأساوى"انتحار صبى فى الصف الأول الإعدادى شنقا بسبب ظروف الحياة السيئة، وبارتفاع متوقع ومبالغ فيه فى الأسعار، أزمة فى عدة محاصيل استراتيجية مثل القمح والأرز، انقطاع مستمر فى المياه والكهرباء(كدة احنا عرفنا نوجه دعاءنا على مين فى صلاة التراويح والفجر)
جه رمضان وانا داخل على ثانوية عامة ورايح لمصير لايعلمه إلا الله، بالنظر لامتحانات السنة اللى فاتت، فأنا أدعو الله انه بس يعديها على خير... ادعولى
ليست هناك تعليقات:
إرسال تعليق