قالها نجم
وغناهاله الشيخ إمام
جيفارا مات
آخر خبر فى الراديوهات
مكانش يعرف ان للحرية رمز
ظهر جديد
وبرضه مات
بس اللى لازم ينكتب
جيفارا مات فى غربته
عشان مبادئه وحريته
لكن صاحبنا
مات وسط أهله وحتته
علشان سأل
ايه السبب
تفتيشنا ده يثير العجب
من غير لا إذن ولا سبب
كل اللى قاله وبس...
ليه..؟
وأول ما قالها
الاعتداء يبدأ عليه
ولا همهم ناس أو شهود
ولا حتى ان ربنا موجود
كل المهم
ان الولد عدى الحدود
ازاى يقول
ازاى يعبر
ازاى تجرأ
ورد ع المخبر..؟
علشان سأل
ايه السبب
تفتيشنا ده يثير العجب
قالوا ده مدمن
ومات بجرعة زيادة
لأ واللى أدهى
انه بلع كيس بانجو
ومات مخنوق
فاكريننا هنصدق
ونسكت كالعادة
الضرب قالوا ده تشريح
منعوا الشهود من التصريح
انا نفسى أفهم
ازاى تناموا نوم مريح
من بعد ما أزهقتوا روح
انسان برىء
كان كل ذنبه
انه سأل
ايه السبب
تفتيشنا ده يثير العجب
كويسة جدا ربنا يقويك
ردحذفمتشكر جدا ربنا يخليك
ردحذف