سلام عليكم
الواحد مع مروره بمواقف وأحداث الدهر ونوائبه بيتعلم حاجات كتير قوى،الحاجات دى ممكن جدا تنفعه فى حياته
من الحاجات اللى الدنيا علمتهالى مثلا ان:
-الإنسان يشعر بالتجاهل عندما يقف فى الظلام
-لايمكنك أن تخطئ،حتى وإن لم تفعل شيئا،لأن عدم فعلك شيئا فى حد ذاته خطأ كبير
-من حقك تحلم بحاجة نفسك فيها،لأ وكمان تتخيل نفسك وانت بتعملها أو وهى فى ايدك،بس عمر شعورك بالسعادة وانت بتتخيل ما هايوصل لشعورك لو الحاجة دى حصلت بجد
- الإنسان يعيش ليتعلم ويتعلم كى يعيش،إنها حلقة مفرغة لاتنتهى إلا بنهاية الإنسان نفسه،لأن الواحد عمره ما بيتوقف عن التعلم
- ان الواحد مايضيعش النهاردة فى الندم على امبارح،عشان مايضيعش بكرة فى الندم على النهاردة
- خيرا تعمل خيرا تلقى،بس مش لازم فى ساعتها،وعشان كدة انتشر المثل القائل"خيرا تعمل شرا تلقى"،لأن الواحد مابيصبرش-يختلف المعنى فى حالة اختلاف تفسير هذا المثل بالذات-
- خدعوك فقالوا:" إذا كان الكلام من فضة فالسكوت من ذهب"،فالكلام والصمت متفاوتا القيمة،مرة كالماس ومرة كالصفيح،كل حسب الموقف
ودمتم فى رعاية الله
ليست هناك تعليقات:
إرسال تعليق